අමල් බිසෝ දොර නාරින්
බාබායිගා යකින්න එයි
වළලු අරන් අම්මා ලෙස
වළලු අරන් අප්පා ලෙස
අමල් බිසෝ දොර නාරින්
කුඩම්මා ගේ දූ දෙන්නත්
කේන්ති ගිය බිළාලයත්
ලුචින කෝටු ගින්න නිවයි
යක් නිවසට උඹව යවයි
අමල් බිසෝ දොර නාරින්
වසිලිස්සා දොර නාරින්
වළලු අරං එන්ට කියා
රාජාලියො ඈත ගියා
ලිපේ ගින්න නිවා තියා
බිළාලයා පැනලා ගියා
ගිනි අඟුරක් ගේන නියා…
ඉරු කුමාරි දුරට ගියා
රාස්ස ගෙට යන්ට ගියා
වසිලිස්සා කැලේ ගියා
අමල් බිසෝ හිමේ ගියා
අමල් බිසෝ දොර නාරින්
වසිලිස්සා දොර නාරින්
සූර්ය බායි දොර නාරින්
බර වැඩ කෙරුමටයි නියම
රළු වැඩ කෙරුමටයි නියම
අසීරුවට දුක් විඳගෙන
පතුල් කසන්නටයි නියම
අම්මත් නෑ අප්පත් නෑ
වළලු අරං ආවෙත් නෑ
විස නියපොතු ගෙයි දොරකඩ
සුව කරන්ට බේතුත් නෑ
බිරියෝසා මුරුංගා
දොර හතකින් වටලළා
පූසෝ බල්ලො
ගිරව් මයිනො
ආරස්සා කළ තැනා
අමල් බිසෝ දොර නාරින්
වසිලිස්සා දොර නාරින්
සූර්ය බායි දොර නාරින්
අමල් බිසෝ[ලංකාව], ලස්සන වසිලිස්සා[රුසියාව], සූර්ය බායි[ඉන්දියාව] යනු එකම කතාවයි.
4 comments:
අමල් බිසෝ ගැන සින්දුවකුත් දැම්ම මම පහුගිය දොහේ - පොඩි චේස් එකකුත් දීලා සින්දුවත් සොයාගෙනම...
ආවද මන්දා ඒ පැත්තේ - http://hadageepotha.blogspot.com/ -
රන් කැකිර කීවේ පී. නිශ්ශංක මහත්තයා ලියූ පොතේ එන ජන කථාව නේද..?
Some of these are stories from the dream time. That's why they are similar.
අපුරු සම්බන්ධයක් ..බොහොමයක් සුරංගනා කතාවල තියෙන්නේ නපුර පැරදිලා හොඳ දිනිමනේ . හැබැහින් කරන්න බැරි දේවල් කතන්දර වල හරි වෙනවට මිනිස්සු කැමතියි . රුසියන් සුරංගනා කතා වල නපුරු රජවරු පරදලා දුප්පත් ඉවාන්ලා රජ වෙනවා . ඒ රටවල තිබ්බ ප්‍රවේනි දාස ක්‍රමය නේද එව්වයින් නියෝජනය වෙන්නේ . චීන කතන්දර වල නපුරු මකරු හරියට .
යුරෝපයෙන් ආපු සින්ඩරෙල්ල , ස්ලිපින්ග් බියුටි කතාවලත් අන්තිමට වෙන්නේ දුෂ්ටයා පරදින එක තමයි.
සංස්කෘතීන් අතර සමානකම් හොයන්න මාත් ආසයි . අපි නොහිතන තරමට ලෝකය මිශ්‍ර වුනා ඈත අතීතයේ ඉඳන්ම .
අනිත් දවසේ උඹලගේ ගෙදර ආවහම මේ පොත් තුනම එක පාර කියවන්න ඕන . .
Post a Comment